Milli Məclisin mədəniyyət komitəsinin sədri Rafael Hüseynov Avropa Şurası Parlament Assambleyasının mədəniyyət, elm, təhsil və media komitəsinin iclasında iştirak etmək üçün sentyabrın 24-də Gürcüstana səfər edəcək.
Parlamentin mətbuat xidmətindən AZƏRTAC-a bildiriblər ki, Tbilisidə keçiriləcək iclasda qeyd edilən sahələrə aid bir sıra aktual məsələlər müzakirə olunacaq.
Rafael Hüseynov müzakirəyə çıxarılacaq məsələlər barədə fikirlərini söyləyəcək, təkliflərini verəcək.
Səfər sentyabrın 26-da başa çatacaq.